Un informe en Lugo estima que dedicar unha rúa a Fraga non incumpre a Lei de Memoria

Transformacions de Fraga en Cambados

19/12/2013 - O Progreso (Lugo)

A Lei de Memoria Histórica non impide a dedicatoria dunha rúa en Lugo ao expresidente da Xunta e exministro franquista, Manuel Fraga. Polo menos si o estima o secretario do Concello, José Antonio Carro Asorey, no informe que lle encargou o alcalde despois de que a comisión do rueiro acordase levar a pleno a posible inclusión no nomenclátor lucense do político vilalbés.

O secretario municipal, logo de facer un breve resumo da actividade pública de Fraga e recordar que exerceu tamén como profesor de Dereito e diplomático, e que participou na redacción da Constitución española, alude a varios artigos da Lei de Memoria, entre eles o que expón a retirada de escudos, placas ou mencións de exaltación persoal ou colectiva da sublevación militar, a Guerra Civil ou a ditadura. Neste sentido, Carro Asorey pregúntase se dedicarlle unha rúa ao político vilalbés supón un acto de reivindicación desas etapas históricas ou se pode dar lugar a enfrontamento, ofensa ou agravio, para acto seguido determinar que, en base á súa biografía, «pódese argumentar que ou nome de Manuel Fraga non conmemora a exaltación» deses acontecementos.

Ademais, xustifícase indicando que na actualidade hai moitas rúas e nomes doutros políticos daquela época como Adolfo Suárez, «e non se coñecen maiores problemas», sinala.

O mesmo mutando o pelaxe