 |
| Placas recolocadas en Vila de Cruces |
- O Concello de Vila de Cruces repón nun local para os veciños as exaltaciones aos golpes de 1923 e 1936 da antiga casa consistorial
- O PSdeG local advirte de que a decisión vai contra a lei e advirte ao alcalde, do PP, de que pode acabar ante os tribunais
Eldiario.es - David Lombao 2/12/13
Case seis anos logo da súa aprobación, a Lei da Memoria Histórica aínda
non chegou a moitos lugares públicos. Mentres algunhas institucións
públicas vanse desfacendo, amodo, dos últimos vestixios franquistas nos
seus espazos públicos, xa sexa física ou simbólicamente, outras
percorren o camiño contrario e, nunha inefable decisión, repoñen a
simboloxía da ditadura que xa fora retirada, ata antes da propia lei.
Isto é o que acaba de ocorrer en Vila de Cruces, segundo denuncia a
oposición deste municipio pontevedrés pertencente á comarca de Deza.
"Hai cousas que xa pensabamos que estaban superadas pero, polo que se ve, o noso alcalde ou aínda vive na posguerra ou lle traizoou o subsconciente". Son as dúas posibles explicacións que se lle ocorren ao PSdeG local tras comprobar que dúas placas de exaltación de senllas ditaduras, a de Primo de Rivera e a de Franco, foron recolocadas no local social municipal da parroquia de Carbia. Isto acontece, explican, "máis de trinta anos despois" de que fosen retiradas do seu emprazamento orixinal, a antiga Casa do Concello, por iniciativa do entón edil socialista José María Vilariño.
Pero agora, denuncian, o popular Jesús Otero (PP), que goberna o municipio con maioría absoluta, "desempoounas e recolocounas nun novo local público, vulnerando a lei" de xeito consciente e "espertando vellas pantasmas do pasado". "Porque si o feito de ter placas franquistas sen retirar en lugares públicos pode resultar grave, máis delito ten recolocar as que xa foran retiradas no seu día", evidencian.
Mentres esperan a que "se pronuncie o resto dos concelleiros do goberno municipal", e especialmente, din, unha edil veciña da parroquia "na que tiveron a feliz idea de colocar as placas", o PSdeG xa solicitou formalmente "que se retiren inmediatamente as placas fascistas para evitar a vergonza que supoñería para Vila de Cruces que tivese que ordenar a súa retirada a fiscalía ou o xuíz correspondente". "Para máis colmo -advirten- o local onde o alcalde recolocou as placas vén servindo como local electoral", circunstancia que, "a recado, propiciará impugnacións" en futuros comicios.
"Hai cousas que xa pensabamos que estaban superadas pero, polo que se ve, o noso alcalde ou aínda vive na posguerra ou lle traizoou o subsconciente". Son as dúas posibles explicacións que se lle ocorren ao PSdeG local tras comprobar que dúas placas de exaltación de senllas ditaduras, a de Primo de Rivera e a de Franco, foron recolocadas no local social municipal da parroquia de Carbia. Isto acontece, explican, "máis de trinta anos despois" de que fosen retiradas do seu emprazamento orixinal, a antiga Casa do Concello, por iniciativa do entón edil socialista José María Vilariño.
Pero agora, denuncian, o popular Jesús Otero (PP), que goberna o municipio con maioría absoluta, "desempoounas e recolocounas nun novo local público, vulnerando a lei" de xeito consciente e "espertando vellas pantasmas do pasado". "Porque si o feito de ter placas franquistas sen retirar en lugares públicos pode resultar grave, máis delito ten recolocar as que xa foran retiradas no seu día", evidencian.
Mentres esperan a que "se pronuncie o resto dos concelleiros do goberno municipal", e especialmente, din, unha edil veciña da parroquia "na que tiveron a feliz idea de colocar as placas", o PSdeG xa solicitou formalmente "que se retiren inmediatamente as placas fascistas para evitar a vergonza que supoñería para Vila de Cruces que tivese que ordenar a súa retirada a fiscalía ou o xuíz correspondente". "Para máis colmo -advirten- o local onde o alcalde recolocou as placas vén servindo como local electoral", circunstancia que, "a recado, propiciará impugnacións" en futuros comicios.
Nenhum comentário:
Postar um comentário