Traducción Estación Atlántica
El País - Pablo Taboada - Ourense - 13/11/13
"Estas imaxes pertencen á propaganda dunha ditadura que ocupou cos seus
símbolos os espazos públicos máis emblemáticos. Permanecen aquí como
denuncia histórica daquel réxime opresor". Esta mensaxe lucirá en fontes
ou escolas do municipio ourensano de Amoeiro (2.278 habitantes). O seu
alcalde, Rafael Rodríguez (PSdeG-PSOE), ordenou instalar placas con este
texto nas construcións públicas rotuladas con simboloxía fascista que
permanecen en pé no seu concello. De momento xa ha anunciando que a
placa colgará en 13 fontes e unha escola porque "debe dar resposta ás
demandas da cidadanía apelando ao espírito fundacional de concordia da
nosa democracia e no marco da Constitución".
O Concello presentou o pasado 23 de setembro ante a Comisión Territorial
de Patrimonio Histórico de Ourense (CTPHOU) unha solicitude de
autorización para instalar placas explicativas de memoria histórica en
lugares públicos rotulados con simboloxía fascista. E un mes despois
obtivo o visto bo deste órgano supervisor dependente do Goberno galego
que regula as intervencións que afecten aos bens incluídos no inventario
xeral do patrimonio cultural de Galicia. Fai algo máis de dúas semanas a
CTPHOU informou favorablemente.
O alcalde explica que "un dos símbolos de identidade da ditadura foi a
apropiación dos lugares públicos emblemáticos" mediante a instalación
dos seus signos de identificación (yugos, flechas, aguia, etc.), "elementos que causan gran malestar e repulsa entre familiares de
represaliados, asociacións cívicas e, en definitiva, entre os
demócratas". Ademais recorda que coa instalación das placas asume a
condena do franquismo contida no informe da Asemblea Parlamentaria do
Consello de Europa asinado en París en marzo de 2006 e respecta a
Proposición non de Lei aprobada en 2002 pola Comisión Constitucional do
Congreso dos Deputados que explica que "ninguén pode sentirse legitimado
para utilizar a violencia coa finalidade de impoñer as súas conviccións
políticas e establecer réximes totalitarios contrarios á liberdade e
dignidade dos cidadáns".
A colocación da mensaxe antifascista ten catro funciones: pedagógica ao
reflectir a "finalidade propagandística e opresora da ocupación
simbólica de lugares públicos, de reparación do sentimento de repulsa ao actuar como expresión de denuncia dos abusos acometidos, de
concienciación respecto das dramáticas consecuencias da ditadura e
das ideoloxías que priman a imposición sobre o diálogo, e de
contribución a crear concordia ao declarar a supremacía da paz e a
democracia sobre os totalitarismos e a violencia".
Non é a primeira vez que o regidor de Amoeiro álzase contra a ditadura
ou os privilexios da Igrexa Católica. En 2009 homenaxeó aos mestres que
exerceron nesta zona limítrofe coa capital e que foron represaliados
trala Guerra Civil co destierro, o cárcere ou a morte. Ademais,
Rodríguez foi o primeiro alcalde que intentou cobrar o imposto de bens
inmuebles (IBI) de propiedades eclesiásticas non incluídas no Concordato
establecido coa Santa Sé no ano 1979. O 25 de febreiro de 2013
interpuxo un recurso de casación ante o Tribunal Supremo contra unha
sentenza emitida anteriormente polo Xulgado do Contencioso
Administrativo Un de Ourense que deu a razón á diócesis ourensana logo
de reclamar administrativamente o IBI de 2010 e 2011 correspondente a
leiras rústicas e urbanas non utilizadas
Nenhum comentário:
Postar um comentário