O Alcalde socialisto de Vigo é condenado pola xusticia a derrubala de urxencia pero segue negándose

quarta-feira, 11 de junho de 2014

Amoeiro coloca placas contra a ditadura sobre os símbolos franquistas



Fonte co símbolo da Falange e a nova placa en Amoeiro (Ourense) / Nacho Gómez
Traducción Estación Atlántica

Os emblemas da Falange mantéñense cun aviso sobre a "propaganda do réxime opresor"

El País - Pablo Taboada -  Amoeiro 10/6/14
Amoeiro (Ourense) non é lugar para propaganda franquista. E desde este martes déixao ben claro nas súas paredes. Nas fontes deste municipio de 2.200 habitantes, a simboloxía falangista convive con placas que denuncian "a propaganda dunha ditadura que ocupou cos seus símbolos os espazos públicos máis emblemáticos". As placas, amparadas pola Lei de Memoria Histórica, pretenden simbolizar unha protesta contra "aquel réxime opresor" mantendo, impertérrita, a iconografía ditatorial para concienciar aos cidadáns sobre "as dramáticas consecuencias da ditadura e das ideoloxías que priman a imposición".

O alcalde, o socialista Rafael Rodríguez, afirma que os símbolos fascistas "causan malestar e repulsa entre familias de represaliados e entre demócratas", pero cre que a "mellor forma de coñecer a historia é vela e non que cho conten", por iso defende a permanencia de iconos fascistas para "evitar que se esqueza o que foi". As primeiras placas foron instaladas este martes entre aplausos dos veciños nas aldeas de Trasalba e Portecelos, en fontes históricas usurpadas polo réxime -teñen impreso o yugo e as flechas, símbolo da Falange-, en dous breves actos aos que o Partido Popular, a outra formación política con representación municipal, non asistiu malia ser invitado. "É incrible que corenta anos despois sigamos así, con iso aí", lamentábase un dos veciños. Para evitar críticas polo custo da iniciativa, impulsouse unha campaña de crowdfunding que mediante unha donación única de dous euros recaudó fondos para sementar as aldeas de placas antifascistas. "A ver canto tardan en arrincalas", afirmaba outra veciña que aconsellaba aos habitantes de casa próxima que vixiasen as placas desde a fiestra.

Amoeiro non só loita contra os restos do franquismo que aínda salpican a vida vecinal. O alcalde organizou unha homenaxe á corporación local que dirixiu o concello durante a Segunda República. A unha semana da proclamación de Felipe VI e no medio das reivindicacións republicanas, o acto do próximo domingo "planificado desde ano pasado" honrará a "mártires e vítimas da represión" coa entrega de medallas ou a interpretación de poemas sonoros sobre a memoria histórica. E é que xusto antes do golpe militar que en 1936 rebentou a república, o socialismo facía pleno en Amoeiro. Todos os edís eran do PSOE, pero o entón alcalde, Castor Sánchez, foi asasinado e abandonado nunha cuneta, mentres que os concelleiros tiveron que guarecerse no máis profundo da montaña, en cuadras e cuevas, para evitar ser represaliados.

Casualmente os restos mortais daquel alcalde republicano descansan no cemiterio do municipio de Beade, un dos últimos reductos do réxime, cuxo alcalde, Senén Pousa (PP), é un entusiasta franquista. O seu despacho do consistorio foi un templo sobre Franco ata outubro do ano pasado, cando unha bomba atribuída polo Goberno central ao grupo independentista Resistencia Galega, rebentou o edificio. Tralo atentado, Pousa anunciou que cando finalice a reconstrución xa non haberá altares franquistas. Durante o acto en honor á corporación presidida polo alcalde republicano presentaranse dúas publicacións: unha sobre o "alcalde mártir" baixo o título "Castor Sánchez Martínez. A conquista dá cidadanía" de Xulio Prada, e outra sobre memoria histórica e represión de Xosé Lois Carrión, Xosé Manuel Cid, Xabier Quintas e Raúl Soutelo baixo o título "Amoeiro 1936. A barbarie silenciada". E non será a primeira homenaxe organizada neste municipio ourensano, onde xa se entregaron distincións que acreditaban os méritos dos políticos que restauraron a democracia trala morte do dictador ou aos mestres que foron represaliados trala Guerra Civil co destierro, o cárcere ou a morte.