O Alcalde socialisto de Vigo é condenado pola xusticia a derrubala de urxencia pero segue negándose

segunda-feira, 5 de março de 2012

Presentaci​ón do libro “Mulleres na guerrilla antifranqu​ista galega”

A Asociación Cultural “Vagalumes”, con motivo do 8 de marzo, día internacional da muller, realizará un acto de presentación do libro da profesora Aurora Marco: “Mulleres na guerrilla anfranquista galega”, no que se proxectarán imaxes do documental “As silenciadas” de Pablo Ces.

Intervirá Aurora Marco, autora do libro e coautora do guión do documental e Francisco Pillado, director da editorial Laiovento.

O traballo de Aurora Marco amosa luz sobre o activo papel da muller na resistencia antifranquista e que lonxe dos estereotipos habituais presenta unha actitude combatente de primeira liña contra a ditadura en todos os ámbitos, mesmo nas accións guerrilleiras.

Con este acto, a Asociación Cultural “Vagalumes” quer tamén render tributo ás mulleres estradenses que sufriron a represión franquista polas súas ideas e actividades contrarias a este réxime totalitario.

O acto celebrarase o vindeiro xoves 8 de marzo, ás 20:00 h., na sala de exposicións de Novagalicia Banco da Estrada.