Mataron o meu Home

Pleno no concello de Baralla pedindo a dimisión do alcalde do PP Manuel González Capón

Texto cedido por Telmo Comesaña para a Estación Atlántica

Cuando lo mataron es que algo hizo

-Mataron o meu home.

-¡Hija mía…! cuando lo mataron es que algo haría

Novembro do 1936. A viuva dun “paseado” vaise confesar para acadar consolo pola súa desgraza pero, a amargura embargouna de tal xeito que non voltou a axeonllarse nun confesionario; aquel desprezo connivente, deulle azos para sacar adiante aos tres fillos que lle quedaron.

Manuel González Capón, alcalde de Baralla (PP ¡faltaría mais!), vén de proclamar algo semellante setenta e sete anos despois,  e a xente de bén, inocentemente sintese doida e queixosa. E acontecen  as disculpas pola súa parte e a negativa de condenar os crimes do franquismo por parte do partido; e a xente demócrata laiase.

E este home que non viviu nin sufriu as desfeitas do fascismo franquista  poderiase pensar  que era tolerante e ceibe do odio, pero non,e iso demostra que ese odio está inoculado en moita xente do PP. Non valen as disculpas. Nin condenan nin  condenarán os crímes; sintense herdeiros daquela época. Esa condena implicaría a condena do seu fundador, Manuel Fraga Iribarne, fundador de AP, máis tarde  PP,  salvouse de pasar polo banco do “Tribunal Internacional de la Haya” pola Ley 1/1977 de Amnistía. A connivencia cos crimes franquista e os asasinatos de Vitoria-Gasteiz  o 4 de marzo do 1976  son un lastre moi pesado.

E para saber máis ler o libro “Fraga, retrato de un fascista” do autor: Gustavo Luca   

    

Telmo Comesaña Pampillón  

Alcabre-VIGO 11 agosto 2013