O Alcalde socialisto de Vigo é condenado pola xusticia a derrubala de urxencia pero segue negándose

domingo, 20 de setembro de 2015

«Ernesto Guerra Da Cal, do exílio a galego universal», Joel R. Gômez


Voz de Galicia - 11 de septiembre de 2015
Sen dúbida que este intenso e extenso traballo de Joel R. Gômez é a fonte máis completa de información con que contamos sobre unha das figuras máis sobresaíntes da cultura galega do século XX. Un traballo que pon en claro moitas tenzas escurecidas, que non escuras, da personalidade de Ernesto Guerra da Cal, dende o seu nome mesmo -moitos pensaron que se trataba dun pseudónimo- ata a súa intervención na redacción dos Seis poemas galegos, de Federico García Lorca, ou a inmensa actividade que desenvolveu nos Estados Unidos, Brasil e Portugal a prol do coñecemento da cultura galega.

Hai neste libro riqueza expositiva da biografía e a obra, tanto no que toca á investigación como ao erudito estudoso da lingua e do estilo de Eça de Queiroz -o seu libro sobre esta materia é coñecido e valorado en todas as universidades do mundo-, con exposición pormenorizada da súas múltiples actividades académicas en centros da lusofonía en tres continentes.

Sen esquecer moitos outros traballos e actividades como a súa monumental Bibliografía Queirociana, en cinco tomos (nin Cervantes nin Shakespeare contan cun estudo equivalente), o manual Literatura del siglo XX, que asina con Margarita Ucelay, a súa primeira esposa, a colaboración radiofónica coa Voice of America, así como a súa posición na polémica da ortografía para o galego moderno. E sen esquecer tampouco a importante obra de creación poética dos seus anos de xubilado. A simple enumeración destas e outras actividades excede dos lindes desta nota.

Celebro de maneira afervoada este fundado e rigoroso traballo de Joel R. Gômez, por canto axuda a esclarecer unha figura impar do noso exilio, porque lle fai xustiza -que non sempre se lle ten feito na súa Galicia matricial- e porque, ademais, nos restitúe a un EGC en todo o seu magnífico esplendor, rescatándoo dun certo esquecemento que os fillos deste país non souberon evitar. 

Ernesto Guerra Da Cal, do exílio a galego universal. Biografía. Joel R. Gômez. Através Editora. 400 páginas. 20 euros

Nenhum comentário:

Postar um comentário