O Alcalde socialisto de Vigo é condenado pola xusticia a derrubala de urxencia pero segue negándose

quarta-feira, 17 de setembro de 2014

Palestra en Pontevedra: "Apartheid en Gaza"


Xoves 25 de setembro ás 19h30 na aula 16 da Facultade de Belas Artes de Pontevedra

Liga Estudantil Galega Pontevedra
O pasado 26 de agosto alcanzouse un alto o fogo en Gaza, despois de 51 días de ofensiva que se saldou con máis de dous mil palestinos mortos, e máis de dez mil feridos.

Ademais, unha cuarta parte da poboación da Franxa viuse obrigada a abandonar as súas casas e a converterse en desprazados internos.

Pero o alto ao fogo non remata coa ocupación. A pesar de que a Carta das Nacións Unidas e as resolucións do Consello de Seguridade das Nacións Unidas insten a unha retirada israelí dos territorios ocupados na guerra de 1967, os palestinos seguen sumidos nunha situación colonial.

Por todo isto, dende a Liga Estudantil Galega organizamos xunto co Colectivo de Solidariedade Internacionalista “Mar de Lumes” unha palestra informativa sobre o que acontece en Palestina na actualidade, para a cal contaremos coa presenza de Elvira Souto de BDS-Galiza e Sami Ashour de Jenin. Será o xoves 25 de setembro ás 19h30 na aula 16 da Facultade de Belas Artes de Pontevedra. Non faltes!